خاطرة اليوم (17 آذار 2014): 6000 مشروع غير منجز…نسب الانجاز ما دون الـ 10 بالمئة في الكثير من الحالات…يعني من وزن “شالع المقرنص وگالب”…تراكمت عبر السنوات الماضية…وهذه المشاريع قد حجبت 228 تريليون دينار عن المواطن العراقي من مستحقاته…يعني، بسعر صرف الدولار اليوم، هاي تطلع: 195,740,718,915.73 دولار (196 مليار دولار) 8 سنوات=2,922 يوما…يعني، بس من هذا الخياس، وفي السنوات الثمانية الماضية، خسارتكم باليوم الواحد: 66,989,985.74 سهلة. 67 مليون دولار باليوم. وسكان العراق حوالي 32 مليون. يعني خسارة كل مواطن عراقي…من الشايب الى الرضيع…حوالي دولارين باليوم…ما تطلعها لفتين من حيدر دبل…لو باكيت جگاير…ما تسوى شيء…خل تروح بول بالشط. بس لا…شوية شوية…يواش يواش…معناه انتو تطلبون الحكومة 5,844 لفة فلافل…بأثر رجعي…فروحوا لحيدر دبل واطلبوا اللي يعجبكم، واشّرو على بوابة المنطقة الخضراء، وگولو: “الحساب يمهم…” وعود خلي الحكومة تصيح بعلو صوتها “احمد العلواني!” “قطر!” “اربيل!” “صخرة بالمجاري!” يا ناس اصحو. ترة هذا لا يسمى اقتصاد. هذا يسمى معلف. وهاي الفليسات الجايتكم ترة هية نتيجة ظرف استثنائي…ما راح يدوم للأبد…بل قد تشوفون نهايته بأعماركم الباقية…وشيفيد تتحسرون على اللي راح وكتها؟ بس سئلو نفسكم: بيكم حيل تضيعون بعد إثمن سنين لخي؟

خاطرة اليوم (17 آذار 2014): 6000 مشروع غير منجز…نسب الانجاز ما دون الـ 10 بالمئة في الكثير من الحالات…يعني من وزن “شالع المقرنص وگالب”…تراكمت عبر السنوات الماضية…وهذه المشاريع قد حجبت 228 تريليون دينار عن المواطن العراقي من مستحقاته…يعني، بسعر صرف الدولار اليوم، هاي تطلع:  195,740,718,915.73 دولار (196 مليار دولار

8 سنوات=2,922 يوما…يعني، بس من هذا الخياس، وفي السنوات الثمانية الماضية، خسارتكم باليوم الواحد: 66,989,985.74

سهلة. 67 مليون دولار باليوم. وسكان العراق حوالي 32 مليون. يعني خسارة كل مواطن عراقي…من الشايب الى الرضيع…حوالي دولارين باليوم…ما تطلعها لفتين من حيدر دبل…لو باكيت جگاير…ما تسوى شيء…خل تروح بول بالشط.  بس لا…شوية شوية…يواش يواش…معناه انتو تطلبون الحكومة 5,844 لفة فلافل…بأثر رجعي…فروحوا لحيدر دبل واطلبوا اللي يعجبكم، واشّرو على بوابة المنطقة الخضراء، وگولو: “الحساب يمهم…”

وعود خلي الحكومة تصيح بعلو صوتها “احمد العلواني!” “قطر!” “اربيل!” “صخرة بالمجاري!”

يا ناس اصحو. ترة هذا لا يسمى اقتصاد. هذا يسمى معلف. وهاي الفليسات الجايتكم ترة هية نتيجة ظرف استثنائي…ما راح يدوم للأبد…بل قد تشوفون نهايته بأعماركم الباقية…وشيفيد تتحسرون على اللي راح وكتها؟ بس سئلو نفسكم: بيكم حيل تضيعون بعد إثمن سنين لخي؟

تعليق