خاطرة اليوم (9 آذار 2013): عندما ينفرط عقد الشعوب والامم، وبعد ان تتنازع على المال والحرث لسنوات طويلة، ستبقى تتنازع على الميراث الثقافي والتراثي الذي كان يجمعها، على مدى عقود وربما قرون. مثلا، التغني بـ “ارض الرافدين”، هل هذا من حق الشيعة قبل السنة، او بالعكس؟ هل الفرات شيعي، ودجلة سني؟ زين، حركة “چق اصبعتين”، هل ستكون من نصيب هؤلاء ام هؤلاء؟ زين، رگصة الچوبي؟ القيمة للشيعة، والدليمية للسنة، هاي بسيطة، وكبة موصل ولبن اربيل هم سهلة، وحلاوة الدهين وكباب الفلوجة واضحة، بس معقولة الاكراد ما راح يطالبون بالدولمة كجزء من ارثهم الطعامي الحصري؟ زين التشريب إلمن؟ ومن السما؟ گولولي، ابو عفيف من يا ملة؟ بس لا مسيحي! چان تنلاص. نص الاكلات في كتب الطهي “العراقية” راح تصير متنازع عليها. اوكاي، ناظم الغزالي واغنياته حقوقها محفوظة للسنة لو للشيعة؟ واكيد مام جلال والاكراد راح يگلبون الدنيا اذا الجواهري إنوب انحسب على النجف، وسيتذرعون بالعرقچين الذي كان يلبسه ومكتوب عليه كلمة “كردستان” ليداعون به ارثا لهم. آثار آشور راح تنحسب للآشوريين لو للسنة؟ زين آثار بابل راح تنحسب للكلدان لو للشيعة؟ والامثال الشعبية، شلون راح نتقاسمها؟ زين كل هاي الحشرات والسحليات والحيوانات خطية ما إلها حچاية؟ يعني همة واجدادهم هم عايشين في ارض العراق منذ الازل. مثلا، الاستاذ ابو بريص، هذا مو هم عراقي؟ زين شنو رأيه؟ هل سينضم الى الشيعة لو السنة لو للأكراد؟ بعد شنسينه؟ خلي نسوي جرد بكافة محتويات البيت حتى لمن تجي نار الحرب عليه وما بعد الطلاق راح نعرف شلون إنفرزن المحتويات ونتقاسمها…يالله، ذكروني…شنسينة؟

خاطرة اليوم (9 آذار 2013): عندما ينفرط عقد الشعوب والامم، وبعد ان تتنازع على المال والحرث لسنوات طويلة، ستبقى تتنازع على الميراث الثقافي والتراثي الذي كان يجمعها، على مدى عقود وربما قرون. مثلا، التغني بـ “ارض الرافدين”، هل هذا من حق الشيعة قبل السنة، او بالعكس؟ هل الفرات شيعي، ودجلة سني؟ زين، حركة “چق اصبعتين”، هل ستكون من نصيب هؤلاء ام هؤلاء؟ زين، رگصة الچوبي؟ القيمة للشيعة، والدليمية للسنة، هاي بسيطة، وكبة موصل ولبن اربيل هم سهلة، وحلاوة الدهين وكباب الفلوجة واضحة، بس معقولة الاكراد ما راح يطالبون بالدولمة كجزء من ارثهم الطعامي الحصري؟ زين التشريب إلمن؟ ومن السما؟ گولولي، ابو عفيف من يا ملة؟ بس لا مسيحي! چان تنلاص. نص الاكلات في كتب الطهي “العراقية” راح تصير متنازع عليها. اوكاي، ناظم الغزالي واغنياته حقوقها محفوظة للسنة لو للشيعة؟ واكيد مام جلال والاكراد راح يگلبون الدنيا اذا الجواهري إنوب انحسب على النجف، وسيتذرعون بالعرقچين الذي كان يلبسه ومكتوب عليه كلمة “كردستان” ليداعون به ارثا لهم. آثار آشور راح تنحسب للآشوريين لو للسنة؟ زين آثار بابل راح تنحسب للكلدان لو للشيعة؟ والامثال الشعبية، شلون راح نتقاسمها؟ زين كل هاي الحشرات والسحليات والحيوانات خطية ما إلها حچاية؟ يعني همة واجدادهم هم عايشين في ارض العراق منذ الازل. مثلا، الاستاذ ابو بريص، هذا مو هم عراقي؟ زين شنو رأيه؟ هل سينضم الى الشيعة لو السنة لو للأكراد؟ بعد شنسينه؟ خلي نسوي جرد بكافة محتويات البيت حتى لمن تجي نار الحرب عليه وما بعد الطلاق راح نعرف شلون إنفرزن المحتويات ونتقاسمها…يالله، ذكروني…شنسينة؟

تعليق